అన్నీ పీసీ నుంచే...
పేరు: Getpushline
ప్రయోజనం: ఫోన్‌కి వచ్చే మెసేజ్‌లు, కాల్స్‌, ఇతర నోటిఫికేషన్స్‌ని పీపీ, ల్యాపీ, మ్యాక్‌ల నుంచే మేనేజ్‌ చేయవచ్చు. సర్వీసుని వాడదాం అనుకుంటే ఫోన్‌, పీసీలో ఇన్‌స్టాల్‌ చేయాలి. పీసీలో ఎక్స్‌టెన్షన్‌ రూపంలో ఒదిగిపోతుంది. క్రోమ్‌ వాడుతున్నట్లయితే క్రోమ్‌ వెబ్‌ స్టోర్‌ నుంచి బ్రౌజర్‌కి జత చేయవచ్చు. అడ్రస్‌బార్‌ పక్కనే ఐకాన్‌ రూపంలో పుష్‌లైన్‌ కనిపిస్తుంది. ఇక ఆండ్రాయిడ్‌ యూజర్లు ఆప్‌ రూపంలో ఫోన్‌లో ఇన్‌స్టాల్‌ చేయవచ్చు. ఆప్‌ని రన్‌ చేస్తే ప్రత్యేక కోడ్‌ వస్తుంది. ఇప్పుడు బ్రౌజర్‌లోని Pair your device బటన్‌పై క్లిక్‌ చేసి వచ్చిన బాక్స్‌లో కోడ్‌ ఎంటర్‌ Go బటన్‌ని నొక్కితే చాలు. ఫోన్‌, పీసీ ఒక్కటే కలిసి పని చేస్తాయి. ఇక మీరు ఫోన్‌కి ఏదైనా మెసేజ్‌ వస్తే బ్రౌజర్‌లోనే నోటిఫికేషన్‌ని చూడొచ్చు. అక్కడ నుంచే ప్రతి స్పందనని తెలపొచ్చు. ఇదే మాదిరిగా కాల్స్‌ కూడా. ఫోన్‌ని ఎక్కడైనా మర్చిపోయినా... ఎవరైనా దొంగిలించినా పుష్‌లైన్‌ సర్వీసు ద్వారా ఎక్కడుందో చూడొచ్చు.
ఫోన్‌లోని మొత్తం కాంటాక్ట్‌లను పీసీలోకి సింక్‌ చేయవచ్చు.
లింక్‌: www.getpushline.com

BY

tanugula rakesh

thanugularakesh@gmail.com