తూటాలా దూసుకెళ్తాడు!
స్పైడర్‌ మ్యాన్‌... సూపర్‌ మ్యాన్‌... ఐరన్‌ మ్యాన్‌! వీళ్లని సినిమాల్లోనూ... వీడియో గేమ్స్‌లోనూ చూసుంటారు. కానీ, మీరెప్పుడైనా 'బుల్లెట్‌ బాయ్‌'ని చూశారా? అయితే, జేబులోని ఆండ్రాయిడ్‌ మొబైల్‌ తీయండి. గూగుల్‌ ప్లేలోకి వెళ్లి Bullet Boy గేమ్‌ని ఇన్‌స్టాల్‌ చేయండి. ఆట ప్రారంభంలో నెత్తికి తూటా తగిలించుకుని దూసుకొస్తాడు. అక్కడి నుంచి తన ప్రయాణం మీ పూచీనే. సురక్షితంగా ఒక ఫిరంగి నుంచి మరో ఫిరంగిలోకి బుల్లెట్‌ బాయ్‌ని దూసుకెళ్లేలా చేయడమే ఆట. చాలా సింపుల్‌ అనుకుంటే పొరబాటే. ఎందుకంటే... ఫిరంగులు కదలకుండా ఉంటే సరే. కొన్ని మాత్రం కదులుతూనే ఉంటాయి. అంతేకాదు... ఫిరంగుల చుట్టూ ఎన్నో ప్రమాదాలు పొంచి ఉంటాయి. వాటికి బుల్లెట్‌ బాయ్‌ తగిలితే అంతే సంగతులు! ఆటలో మొత్తం లెవల్స్‌ 30కి పైనే! 3డీ గ్రాఫిక్స్‌తో ఆకట్టుకునేలా గేమ్‌ని రూపొందించారు. తెలివిగా బుల్లెట్‌బాయ్‌ని ఫైర్‌ చేస్తూ... పవర్‌ అప్స్‌ అందుకుంటూ లక్ష్యాన్ని చేరుకునేలా చేయాలి. మరెందుకు ఆలస్యం... బుల్లెట్‌ బాయ్‌ని బుల్లి తెరపైకి పిలిచేద్దాం అనుకుంటే వెళ్లండి.
* యాపిల్‌ యూజర్లు ఐట్యూన్స్‌ నుంచి పొందొచ్చు

BY

tanugula rakesh

thanugularakesh@gmail.com